O Concello da Laracha anuncia a apertura do prazo de inscrición para participar no concurso de disfraces que se celebrará na tarde do martes de Entroido (día 9 de febreiro, festivo local na Laracha), e que será o evento central do programa municipal.
No Concello da Laracha estanse levando a cabo as labores específicas de poda de árbores situadas en prazas e zonas públicas
O Concello da Laracha é un dos nove municipios españois galardoados polo Ministerio de Sanidad, Servicios Sociales e Igualdad e a Federación Española de Municipios y Provincias (FEMP) na cuarta edición dos Premios a las Buenas Prácticas en las entidades locales, cos que se recoñece a labor realizada en contra da violencia de xénero no ámbito municipal.
Os temporais que están a pasar por Galicia nos últimos días afectaron tamén ao Concello da Laracha. A combinación do terreo mollado polas intensas choivas e os fortes ventos rexistrados provocaron a caída de árbores en diferentes puntos do paseo fluvial do río Anllóns, o que supuxo danos de certa entidade nesta pasarela de madeira que supera os dous quilómetros e medio de lonxitude entre Gabenlle (parroquia de Torás) e O Formigueiro (Vilaño).
O Concello da Laracha e o Hospital Veterinario Xarope doaron á Protectora de Carballo catrocentos quilos de pienso co dobre obxectivo de colaborar coa citada entidade e mostrar o seu apoio á labor que están a desenvolver en diferentes municipios da comarca de Bergantiños.
O Pleno da Corporación municipal da Laracha, reunido o 30 de decembro en sesión extraordinaria, acordou aprobar os orzamentos xerais municipais para o exercicio económico 2016, así como o límite de gasto non financeiro e o cadro de persoal.
A nova praza pública que o Concello da Laracha creou no Igrexario da parroquia de Soutullo xa está aberta ao público despois de que o alcalde, José Manuel López Varela, e o concelleiro responsable da área de obras, Jesús Souto, comprobasen persoalmente que as actuacións previstas xa están practicamente rematadas.
O Coro Arume de Caión, gañador do primeiro premio do Concurso de Panxoliñas “María Angeriz Tuset” O Concello da Laracha repartiu preto de 2.500 euros en premios no tradicional Concurso de Panxoliñas María Angeriz Tuset, celebrado o sábado 2 de xaneiro na Casa da Cultura da Laracha ante máis de douscentos espectadores.
O Concello da Laracha e a Obra Social laCaixa a través da oficina da entidade na Laracha realizaron unha doazón de lotes de alimentos a Cáritas Parroquial da Laracha para distribuílos entre as familias do municipio máis desfavorecidas.
O xurado da 20ª edición do concurso de escaparates de Nadal –composto por representantes municipais e Concha Iglesias, a presidenta da Asociación de Comercio, Servicios e Industria da Laracha (ACSIL)- que cada ano convoca o Concello da Laracha reuniuse na tarde do 28 de decembro para visitar e valorar os locais participantes no certame, situados todos eles nas vilas da Laracha e de Paiosaco.
