A conselleira de Infraestruturas e Vivenda, Ethel Vázquez, acompañada polo alcalde, José Manuel López Varela, supervisou o inicio das obras da senda peonil e ciclistas na estrada AC-552 entre A Laracha e Paiosaco, que estará rematadas a finais deste ano.
Alfonso Rueda, vicepresidente da Xunta de Galicia, Ovidio Rodeiro, delegado territorial da Xunta na provincia da Coruña, e Marta Fernández Tapias, directora xeral de Administración Local, visitaron hoxe o Concello da Laracha, onde se reuniuron cunha ampla representación do goberno local encabezada polo alcalde, José Manuel López Varela.
O Boletín Oficial da Provincial (BOP) da Coruña publica hoxe o anuncio do Concello da Laracha para a contratación dos traballos de roza mecanizada e manual na rede viaria e nas parcelas de titularidade municipal. A partir de mañá as empresas interesadas en formar parte do procedemento terán un prazo de quince días natural para presentar as súas propostas (ata o mércores 17 de maio).
As obras de renovación da Praza do Concello están en marcha desde hoxe. Tal e como fora consensuado polo goberno local e a empresa contratista -Innova Profesional Desarrollos, S.L.U.- os traballos comezaron a executarse esta mañá, despois da Semana Santa e da ponte do 1 de maio, co propósito de causar á veciñanza as mínimas molestias posibles para unha obra destas características.
O porto de Caión converterase durante toda a xornada do vindeiro sábado día 6 de maio no escenario da intervención artística multidisplinar que, baixo a denominación Pescad@s –en clara referencia ao lugar no que se desenvolverá-, organizará o colectivo Bárbarat en colaboración co Concello da Laracha e a Asociación Cultural y Deportiva Peña Royal de Caión.
Por sétimo ano consecutivo o Concello da Laracha organiza a Masterclass de aeróbicos, unha das citas deportivas de referencia na programación municipal durante a primavera, que se celebrará o próximo sábado, día 6 de maio entre as 17:30 e as 19:30 horas no pavillón do IES Agra de Leborís.
O Concello da Laracha está acometendo simultaneamente dous proxectos dirixidos a mellorar os servizos básicos da praia de Caión nos que se invisten, en total, preto de 70.000 euros, financiados integramente con fondos propios municipais.
O Concello da Laracha vén de acometer unha actuación dirixida a aumentar en 21 metros cadrados a superficie deste parque infantil. No ámbito foron instalados novos xogos adaptados para ser empregados por bebés e nenos de ata cinco anos de idade. Ademais, foi colocado o pavimento de caucho en todo o ámbito para unha mellor seguridade dos usuarios.
O paseo fluvial do río Anllóns é unha das zonas de maior riqueza natural e paisaxística do termo municipal da Laracha. Especialmente durante a primavera e o verán, este lugar é moi transitado tanto por veciños como por visitantes para disfrutar do entorno no que se sitúa como, tamén, para practicar exercicio, xa que o seu percorrido supera os dous quilómetros e medio de distancia entre a área recreativa de Gabenlle e O Formigueiro.
A Asociación de Ayuda a Familias de Drogodependientes (ADAFAD) impartirá na Laracha o obradoiro titulado “En familia todos contan”, iniciativa que se desenvolverá coa colaboración do Concello e o financiamento da Consellería de Sanidade da Xunta de Galicia.
José Manuel López Varela, alcalde do Concello da Laracha, e Marcos Vázquez, representante de Construcciones Canarga, S.L., asinaron hoxe o contrato da obra de afirmado e mellora da capa de rodadura de camiños rurais na parroquia de Torás.
Despois das excelentes experiencias dos últimos veráns, o Concello da Laracha volverá organizar, por cuarto ano consecutivo, un campo de traballo internacional, iniciativa que se levará a cabo na primeira quincena do mes de agosto coa colaboración da Dirección Xeral de Xuventude, Participación e Voluntariado, dependente da Consellería de Política Social da Xunta de Galicia.
